Uwanja wa Jamhuri Dodoma Kuwa Makazi Mapya ya Mtibwa Sugar

Uwanja wa Jamhuri Dodoma Kuwa Makazi Mapya ya Mtibwa Sugar

Kufuatia Uwanja wa Manungu Complex uliopo Morogoro kushindwa kukidhi vigezo vinavyotakiwa kutumika kwenye michezo ya Ligi Kuu Bara, klabu ya Mtibwa Sugar imefanya uamuzi wa kuhamishia mechi zake za nyumbani katika Uwanja wa Jamhuri Dodoma. Hatua hii inamaanisha kuwa kwa msimu huu wa Ligi Kuu, Jamhuri ndilo litakuwa makazi mapya ya timu hiyo.

Mtibwa Sugar, ambayo imerejea tena Ligi Kuu Bara msimu huu, ilianza kampeni zake kwa kupoteza kwa bao 1-0 dhidi ya Mashujaa wakiwa ugenini. Baada ya kipigo hicho cha ufunguzi, timu hiyo sasa inajiandaa kwa mchezo wake wa kwanza kama mwenyeji katika uwanja mpya.

Mchezo wa Kwanza Katika Uwanja wa Jamhuri Dodoma

Kwa mujibu wa taarifa rasmi kutoka Mtibwa Sugar, mchezo unaofuata wa Ligi Kuu Bara utapigwa Septemba 28, 2024 dhidi ya Fountain Gate FC katika Uwanja wa Jamhuri, jijini Dodoma. Mchezo huo umepangwa kuanza saa 10:00 jioni, ambapo mashabiki wa soka katika mkoa wa Dodoma wanatarajiwa kujitokeza kwa wingi kushuhudia Mtibwa ikianza maisha mapya katika uwanja huo.

Katika taarifa hiyo, klabu ilieleza:

“Mchezo wetu unaofuata wa Ligi Kuu tunacheza dhidi ya Fountain Gate. Mchezo utachezwa Jumapili ya tarehe 28 saa 10:00 jioni uwanja wa Jamhuri Dodoma. Huu mchezo sisi ndio wenyeji na tumelazimika kupeleka Dodoma sababu ya marekebisho ya Uwanja wa Manungu ambao utakamilika hivi karibuni.”

Kwa Nini Mtibwa Sugar Kuhamia Dodoma?

Sababu kuu ya Mtibwa Sugar kupeleka mechi zake za nyumbani jijini Dodoma ni kutokana na marekebisho yanayoendelea katika Uwanja wa Manungu Complex. Ingawa uwanja huo umekuwa nyumbani kwa timu hiyo kwa miaka mingi, kwa sasa umekosa vigezo vya kutumika katika mashindano ya Ligi Kuu Bara.

Kwa muda huu, Uwanja wa Jamhuri Dodoma utatumika kama makazi mbadala hadi pale matengenezo ya Manungu yatakapokamilika na kuidhinishwa na mamlaka husika.

Mapendekezo ya Mhariri:

1. Majina ya Waliopata Mkopo 2025/2026 HESLB
2. Ratiba ya Mtihani wa Upimaji wa Darasa la Pili 2025
3. Sifa za Kujiunga na Chuo Kikuu Cha UDSM 2025/2026
4. Sifa za Kujiunga na Vyuo Mbalimbali Tanzania 2025/2026
5. Sifa za Kujiunga na Chuo Cha Uhasibu TIA 2025/2026
6. Vigezo vya Kupata Mkopo Ngazi ya Diploma 2025/2026
7. Sifa za Kujiunga Chuo cha Utumishi wa Umma 2025/2026