CV Ya Steve Barker Kocha Mpya wa Simba 2025/2026

CV Ya Steve Barker Kocha Mpya wa Simba 2025/2026

Klabu ya Simba SC leo Desemba 19 imemtambulisha rasmi Steve Barker, aliyekuwa kocha wa Stellenbosch FC ya Afrika Kusini, kuwa kocha wake mpya kwa msimu wa 2025/2026, hatua iliyohitimisha wiki kadhaa za sintofahamu kuhusu uongozi wa benchi la ufundi la klabu hiyo. Tangazo hilo limekuja wakati Simba ikisaka uthabiti wa kiufundi baada ya mabadiliko ya hivi karibuni, huku Barker akiletwa kutokana na wasifu wake mzito katika soka la Afrika Kusini.

Wasifu wa Steve Barker

Steve Barker, jina kamili Steven Robert Barker, ni raia wa Afrika Kusini aliyezaliwa tarehe 23 Desemba 1967 mjini Maseru, Lesotho. Kabla ya kuingia kwenye ukocha, Barker alikuwa kiungo wa kati, akiwahi kuzichezea klabu za Wits University na SuperSport United. Safari yake ya ukocha imejengwa juu ya uzoefu wa muda mrefu na maendeleo ya taratibu katika ligi ya Afrika Kusini

Safari ya Ukocha na Mafanikio

Jina la Steve Barker lilianza kung’ara zaidi alipofanikiwa kuiongoza University of Pretoria kupanda daraja na kucheza Ligi Kuu ya Afrika Kusini mwaka 2012. Baada ya mafanikio hayo, aliwahi kuifundisha AmaZulu FC kabla ya kuchukua jukumu la kuinoa Stellenbosch FC mwaka 2017.

Akiwa Stellenbosch, Barker aliandika historia kubwa kwa kuipa klabu hiyo taji la Carling Knockout Cup mwaka 2023, mafanikio yaliyoongeza hadhi yake kama mmoja wa makocha wenye mbinu na uthabiti katika ligi hiyo. Tangu mwaka 2017, amekuwa na wastani mzuri wa kudumu na klabu, akionesha uwezo wa kujenga timu kwa muda mrefu na kusimamia miradi ya maendeleo

Mbinu na Mfumo wa Uchezaji na Takwimu za Msimu

Steve Barker amekuwa akitumia mfumo wa 4-3-3 wa kushambulia katika klabu alizozinoa. Mfumo huu unalenga mpangilio imara wa kiungo, matumizi ya mabeki wa pembeni katika kushambulia na kuimarisha safu ya mbele kwa kasi na ubunifu. Mbinu hii ilimsaidia Stellenbosch kushindana kwa ufanisi katika mashindano ya ndani na ya kimataifa.

Katika msimu wa 2025/2026, Barker alisimamia jumla ya mechi 24 katika mashindano tofauti yakiwemo Betway Premiership, MTN8, CAF Confederation Cup na Carling Knockout. Katika kipindi hicho, timu zake zilipata wastani wa pointi 1.25 kwa mechi, takwimu zinazoonesha uzoefu wake katika mazingira ya ushindani wa juu

Uteuzi wa Steve Barker kama kocha mpya unaipa Simba SC uzoefu mpana wa kimataifa katika benchi la ufundi. CV ya Steve Barker inaonesha ni kocha mwenye historia ya kukuza timu, kushinda mataji na kusimamia miradi ya muda mrefu. Uongozi wa Simba unaamini kuwa uzoefu huo utakuwa na mchango mkubwa katika kufanikisha malengo ya klabu katika mashindano ya ndani na kimataifa msimu ujao.

Mapendekezo ya Mhariri:

1. Bei ya Tiketi za Kombe la Dunia 2026 Yazua Mjadala Mkubwa Duniani
2. Mchango Mkubwa wa Salah Waipa Liverpool Ushindi Mnono Dhidi ya Brighton
3. Timu Nane Zathibitishwa Kushiriki Kombe la Mapinduzi 2026 Zanzibar
4. Ratiba Ya AFCON 2025 Hatua Ya Makundi
5. Kikosi cha Taifa Stars AFCON 2025
6. Matokeo ya Coastal Union vs Yanga Leo 07/12/2025