Bakari Mwamnyeto Atoa Wito Kwa Mashabiki Kujitokeza Kwa Mkapa

Bakari Mwamnyeto Atoa Wito Kwa Mashabiki Kujitokeza Kwa Mkapa

Nahodha wa Yanga SC, Bakari Mwamnyeto, ametoa wito kwa mashabiki wa timu hiyo kujitokeza kwa wingi katika Uwanja wa Benjamin Mkapa kushuhudia ubora wa kikosi kipya na mbinu bora za kocha wao mpya, Romain Folz. Mwamnyeto amesema hayo mbele ya wanahabari, akisisitiza kuwa wachezaji wapo tayari kuonyesha kiwango cha juu na kutoa burudani kwa mashabiki wote watakaohudhuria.

“Tuko tayari kutoa burudani kwa mashabiki wetu. Kocha ni mpya lakini tayari tumeingia kwenye mfumo wake, na wachezaji wapya pia tumeunda nao muunganiko mzuri,” alisema Mwamnyeto.

Uhusiano Mpya Kati ya Wachezaji na Kocha Folz

Akifafanua zaidi, Mwamnyeto alieleza kuwa ingawa Romain Folz amejiunga hivi karibuni, wachezaji wamefanikiwa kuelewa mifumo yake ya kiufundi. Alibainisha kuwa mafunzo kutoka kwa kocha huyo yamewajenga kimbinu na kuongeza mshikamano ndani ya kikosi, jambo analoamini litaonekana wazi uwanjani.

“Licha ya kwamba kocha ni mpya ndani ya timu, tayari tumeshaelewa mifumo yake,” aliongeza Mwamnyeto.

Wachezaji Wapya na Malengo ya Timu

Nahodha huyo alisema kuwa wachezaji wapya waliokamilisha usajili kwenye dirisha lililopita wameunganika vizuri na wenzao waliokuwepo, na sasa kikosi kipo tayari kufanikisha malengo makubwa ya msimu huu. Alisisitiza kuwa Yanga inalenga kuwa timu bora na yenye ushindani wa hali ya juu katika mashindano yote.

“Nawaomba mashabiki wajitokeze kwa wingi kushuhudia kikosi chao bora kilichobeba matumaini msimu huu,” alisema.

Burudani kwa Mashabiki Uwanjani

Kwa mujibu wa Mwamnyeto, mashabiki wanaotarajia kufika Mkapa watapata nafasi ya kushuhudia kwa macho yao namna mbinu za kocha Folz zitakavyotekelezwa vitendo.
Amesema wachezaji wamejiandaa vizuri kuhakikisha wanaonyesha mpira wa kuvutia na kuendelea kuipa heshima klabu yao.

“Ubora wa mbinu za Folz utaonekana uwanjani. Njooni kwa wingi mshuhudie mbinu sahihi za kocha wetu ambaye ana malengo makubwa na timu hii,” alisisitiza.

Mapendekezo ya Mhariri:

1. Mbosso Avunja Rekodi za Burudani Simba Day Kwa Performance Bora Zaidi
2. Ratiba ya NBC Premier league 2025/2026
3. Kikosi cha Simba Sc 2025/2026
4. Timu Zilizofuzu Kombe la Dunia 2026
5. Safari ya Ronaldo Kuelekea Mabao 1000 Yafikia Hatua Mpya Baada Kufunga Dhidi Hungary
6. Azam FC Yawapa Mkono wa Kwaheri Wanne Kwa Mpigo
7. Ratiba ya Ngao ya Jamii 2025/2026