Droo ya Makundi Klabu Bingwa Afrika 2025/2026
Droo ya Makundi Klabu Bingwa Afrika 2025/2026 CAF imefanyika rasmi jijini Johannesburg, Afrika Kusini, ikishuhudiwa na watazamaji na wadau wa soka barani kote. Shirikisho la Soka Barani Afrika (CAF) liliendesha droo hiyo siku ya Jumatatu katika Studio za Supersport, chini ya usimamizi wa Mkuu wa Idara ya Mashindano, Nassar Khaled, akisaidiwa na magwiji wa soka barani humo, Alex Song kutoka Cameroon na Christopher Katongo wa Zambia.
Droo hii imeweka wazi makundi manne yenye mvuto mkubwa, huku timu kutoka kanda mbalimbali za Afrika zikitarajiwa kupambana vikali kuwania nafasi ya kufuzu hatua ya robo fainali. Mashindano haya yanatarajiwa kuanza Novemba 21, 2025, na kuendelea hadi Februari 2026, yakiahidi ushindani wa kiwango cha juu, historia mpya, na burudani isiyo na kifani kwa mashabiki wa soka
Makundi Klabu Bingwa Afrika 2025/2026
Group A
- RS Berkane
- Pyramids SC
- Rivers United FC
- Power Dynamos
Group B
- Al Ahly FC
- Young Africans
- AS AR
- JS Kabylie
Group C
- Mamelodi Sundowns
- Al Hilal SC
- MC Alger
- Saint Eloi Lupopo
Group D
- Espérance de Tunis
- Simba SC
- Petro Luanda
- Stade Malien
Ushindani na Matarajio ya Michuano
Mashindano haya ya Klabu Bingwa Afrika 2025/2026 yanatarajiwa kuwa miongoni mwa yenye ushindani mkubwa zaidi katika miaka ya karibuni. Kwa mara nyingine tena, klabu kutoka Afrika Kaskazini zimeonyesha nguvu kwa wingi wao katika droo, lakini klabu kutoka Kusini na Mashariki mwa Afrika, hususan Young Africans na Simba SC, zinaonekana kuimarika kwa kasi na zinatarajiwa kutoa ushindani wa kweli.
Kwa mujibu wa wachambuzi wa soka barani Afrika, Yanga inatarajiwa kutumia uzoefu wake wa hivi karibuni katika michuano ya kimataifa, huku Simba wakilenga kurejea fainali baada ya kuonyesha ubora katika Kombe la Shirikisho CAF msimu uliopita.
Ratiba ya Mashindano
Mechi za hatua ya makundi zitachezwa kuanzia tarehe 21 Novemba 2025 na zitamalizika Februari 2026. Kila timu itacheza michezo sita (nyumbani na ugenini), ambapo mbili bora kutoka kila kundi zitafuzu hatua ya robo fainali.
Mapendekezo ya Mhariri:
