Ligi Kuu Zanzibar ZPL 2025/2026 kuanza Septemba 20

Ligi Kuu Zanzibar ZPL 2025/2026 kuanza Septemba 20

SHIRIKISHO la Mpira wa Miguu Zanzibar (ZFF) limetangaza rasmi kuwa Ligi Kuu Zanzibar ZPL 2025/2026 kuanza Septemba 20, huku likiahidi msimu wenye ushindani mkali na burudani ya hali ya juu kwa mashabiki wa soka visiwani humo.

Kwa mujibu wa taarifa hiyo, ligi ya ZPL 2025/2026 itahusisha jumla ya timu 16, ambapo timu 12 zinatoka Unguja na timu 4 zinatoka Pemba, na Mlandege FC itaanza kampeni zake ikiwa ni bingwa mtetezi wa msimu uliopita. Ligi inatarajiwa kufikia kilele chake Mei 31, 2026, ikitoa nafasi kwa mashabiki kushuhudia mapambano makali kutoka mwanzo hadi mwisho.

Ngao ya Jamii Kufungua Msimu Mpya

Kabla ya kuanza kwa ligi kuu, mchezo wa Ngao ya Jamii utafungua pazia la msimu mpya siku ya Septemba 13, 2025, wiki moja kabla ya kuanza kwa michezo ya ligi kuu rasmi. Mchezo huo utawakutanisha mabingwa wa ligi kuu msimu wa 2024/2025, Mlandege FC, dhidi ya mabingwa wa Kombe la FA, KMKM.

Mchezo huu unatarajiwa kuwa wa aina yake, ukiashiria rasmi mwanzo wa msimu mpya wa soka visiwani Zanzibar na kutoa taswira ya kile kinachoweza kutarajiwa kwenye ligi nzima.

Timu Mpya na Zilizoshuka Daraja

Msimu huu utashuhudia timu mpya zikijiunga kwenye ligi baada ya kufanya vizuri katika ligi za chini. New King itashiriki kwa mara ya kwanza kabisa kwenye historia yake, huku Polisi SC ikirejea baada ya kupoteza nafasi yake misimu miwili iliyopita. Timu zingine mpya kutoka Pemba ni New Stone Town na Fufuni, zikionyesha kuwa ushindani wa msimu huu utakuwa mkali zaidi.

Kwa upande mwingine, timu zilizoshuka daraja msimu uliopita ni New City, Mwenge, Tekeleza, na Inter Zanzibar, zikitoa nafasi kwa wapya kung’ara na kujaribu bahati yao katika ligi kuu.

Orodha ya Timu Zitakazoshiriki Ligi Kuu Zanzibar 2025/2026

Kutoka Unguja:

1. Mlandege FC
2. KVZ
3. Mafunzo
4. Mwembe Makumbi
5. JKU
6. Uhamiaji
7. Zimamoto
8. Malindi
9. KMKM
10. Kipanga
11. Polisi SC
12. New King

Kutoka Pemba:

1. Junguni United
2. Chipukizi United
3. Stone Town
4. Fufuni

Mapendekezo ya Mhariri:

1. Jezi Mpya za Yanga 2025/2026 | Picha za Jezi Mpya za Yanga
2. Bei ya Jezi Mpya za Yanga 2025/2026
3. Matokeo ya Taifa Stars vs Morocco Leo 22/08/2025 CHAN
4. Kikosi cha Taifa Stars vs Morocco Leo 22/08/2025 CHAN
5. Cv ya Neo Maema Kiungo Mpya wa Simba 2025/2026
6. Wafungaji Bora CHAN 2025
7. Tanzania Vs Morocco Chan 22/08/2025 Saa Ngapi?