Majina ya Wanafunzi na Shule Walizopangiwa Kidato cha Kwanza 2026

Majina ya Wanafunzi na Shule Walizopangiwa Kidato cha Kwanza 2026 | Shule walizopangiwa form one 2026 (Shule walizopangiwa kidato cha kwanza 2026) | Uchaguzi wa Kidato cha Kwanza 2026 | Shule walizopangiwa Darasa la saba

Baada ya kutangazwa kwa matokeo ya Mtihani wa Darasa la Saba 2025 na Baraza la Mitihani la Tanzania (NECTA), Serikali kupitia Ofisi ya Waziri Mkuu – TAMISEMI imetangaza Majina ya Wanafunzi na Shule Walizopangiwa Kidato cha Kwanza 2026 leo, Desemba 4, 2025. Jumla ya wanafunzi 937,581, sawa na asilimia 100 ya wenye sifa, wamechaguliwa na kupangiwa shule za sekondari za Serikali kwa mujibu wa miongozo ya Wizara ya Elimu, Sayansi na Teknolojia.

Akizungumza na waandishi wa habari jijini Dar es Salaam, Waziri wa TAMISEMI Profesa Riziki Shemdoe alisema kuwa wanafunzi wote waliopata alama za ufaulu kati ya 121 hadi 300 katika mtihani wa darasa la saba wamepangiwa shule.

“Kila Mtahiniwa aliyefanya mtihani wa kumaliza elimu ya msingi mwaka 2025 na kupata jumla ya alama za ufaulu kati ya 121 hadi 300 amechaguliwa na kupangiwa shule ya Serikali,” alisema.

Kwa mujibu wa taarifa hiyo, kati ya wanafunzi waliochaguliwa, wasichana ni 508,477 na wavulana 429,104, wakiwemo wanafunzi 3,228 wenye mahitaji maalum. Wote wamepangwa katika shule 5,230 za sekondari nchini. Aidha, wanafunzi 815 wenye ufaulu wa juu wamepangiwa shule maalumu za kitaifa kama Ilboru, Msalato, Kibaha, Kilakala, Mzumbe, Tabora Boys na Tabora Girls.

Katika mgawanyo huo, Serikali imepanga wanafunzi 3,411 katika shule za amali za bweni, 7,360 katika shule za bweni za kitaifa, na 925,065 katika shule za kutwa kutoka maeneo yao ya karibu.

Prof. Shemdoe alibainisha kuwa maandalizi ya kuwawezesha wanafunzi kuanza masomo kwa wakati yamekamilika. “Natoa wito kwa viongozi na watendaji wa halmashauri kuhakikisha wanafunzi wanaanza masomo yao Januari 2026 bila vikwazo vya aina yoyote ili kutekeleza azma ya Serikali ya utoaji wa elimu msingi bila malipo,” alisema. Serikali imesisitiza kuwa muhula wa kwanza wa masomo utaanza tarehe 13 Januari 2026, hivyo wazazi na walezi wanahimizwa kufanya maandalizi yote muhimu ili watoto waripoti shuleni kwa wakati.

Majina ya Wanafunzi na Shule Walizopangiwa Kidato cha Kwanza 2026

Serikali ya Tanzania kupitia TAMISEMI kwa kushirikiana na NECTA imetoa orodha rasmi ya wanafunzi waliochaguliwa kujiunga na Kidato cha Kwanza kwa mwaka wa masomo 2026 mara baada ya kukamilika kwa mchakato wa uchambuzi wa matokeo ya Mtihani wa Kumaliza Elimu ya Msingi (PSLE) 2025. Uteuzi huu ni hatua muhimu inayowezesha wanafunzi waliokidhi vigezo kuendelea na elimu ya sekondari katika shule za Serikali.

Kwa ajili ya wanafunzi, wazazi na walezi wanaotaka kuangalia orodha ya wanafunzi wa darasa la saba waliopangiwa shule, sehemu inayofuata inaeleza hatua rahisi za kuangalia majina ya wanafunzi na shule walizopangiwa kupitia tovuti rasmi ya TAMISEMI.

Jinsi ya Kuangalia Majina ya Wanafunzi Waliochaguliwa Kidato cha Kwanza 2026

Kwa kawaida, baada ya TAMISEMI kukamilisha upangaji wa wanafunzi, taarifa hupakiwa kwenye tovuti za serikali kwa matumizi ya wananchi. Ufuatao ni mwongozo wa moja kwa moja:

1. Fungua tovuti ya TAMISEMI (www.tamisemi.go.tz)

Tovuti ya TAMISEMI ndio chanzo kikuu cha taarifa za matokeo na uteuzi wa wanafunzi. Baada ya kufungua tovuti ya TAMISEMI, shuka hadi chini sehemu yenye “Matangazo Muhimu”. Hapa ndipo taarifa kuhusu uchaguzi wa wanafunzi wa kidato cha kwanza huwekwa

2. Chagua kipengele cha orodha ya uteuzi

Kwa kawaida, kipengele hiki huwekwa kwenye ukurasa wa mbele ili kurahisisha upatikanaji wa taarifa. Kinaongoza moja kwa moja kwenye orodha ya mikoa yote ya Tanzania Bara.

3. Chagua Mkoa → Wilaya

Baada ya kuchagua mkoa, utaelekezwa kwenye orodha ya wilaya zote zinazohusika. Chagua wilaya ya shule ya msingi ya mwanafunzi.

4. Chagua shule ya msingi

Sehemu hii ina majina ya shule zote za msingi zilizopo ndani ya wilaya. Ukibofya shule husika, utaona majina ya wanafunzi wote waliopangiwa, pamoja na taarifa za shule walizoelekezwa kujiunga nazo.

5. Pakua hati ya PDF

Kila shule imewekewa hati ya PDF kwa urahisi wa kupakua na kutunza taarifa. Hii inawasaidia wazazi na wanafunzi kuwa na kumbukumbu ya kudumu.

Bofya Jina la Mkoa Uliposoma Kuangalia Majina ya Wanafunzi na Shule Walizopangiwa Kidato cha Kwanza 2026

Ni Lini Majina ya Wanafunzi na Shule Walizopangiwa Kidato cha Kwanza 2026 Yatatangazwa?

Hadi sasa, TAMISEMI haijatoa tamko rasmi kuhusu tarehe halisi ya kutangazwa kwa orodha ya wanafunzi watakaopangiwa kujiunga na Kidato cha Kwanza mwaka 2026. Hata hivyo, kwa kuzingatia mfuatano wa matukio katika ratiba ya elimu pamoja na mwenendo wa miaka iliyopita, utoaji wa majina haya kwa kawaida hufanyika baada ya kukamilika kwa uchambuzi wa matokeo ya PSLE na uhakiki wa nafasi za shule. Kutokana na utaratibu huo, inatarajiwa kuwa tangazo rasmi la Majina ya Wanafunzi na Shule Walizopangiwa Kidato cha Kwanza 2026 litatolewa mwezi Desemba 2026, mara tu taratibu za upangaji zitakapokamilika.

Sifa Zinazotumika Kuwachagua Wanafunzi Kujiunga na Kidato cha Kwanza 2026

Katika mchakato wa uchaguzi wa wanafunzi kujiunga na Kidato cha Kwanza 2026, TAMISEMI huzingatia kiwango cha ufaulu cha mwanafunzi katika Mtihani wa Darasa la Saba, ambapo alama kati ya 121 na 300 ndizo zinazohitajika kama kigezo cha msingi cha uteuzi.

Wanafunzi wenye alama za juu hupata nafasi katika shule zenye hadhi ya kitaifa na zile za ufundi, huku nafasi katika shule za bweni za kawaida zikielekezwa zaidi kwa wanafunzi wanaotoka katika mazingira magumu, maeneo ya vijijini, au familia zenye kipato cha chini.

Aidha, serikali hutoa kipaumbele kwa wanafunzi wenye mahitaji maalum kama vile ulemavu, changamoto za kiafya au wale wanaolelewa katika vituo vya watoto yatima, ili kuhakikisha usawa katika upatikanaji wa elimu kwa wote.

Kwa wale wanaosubiri tangazo la Majina ya Wanafunzi na Shule Walizopangiwa Kidato cha Kwanza 2026, ni muhimu kufuatilia karibu taarifa kutoka TAMISEMI na NECTA kupitia tovuti zao. Mchakato wa uteuzi umeandaliwa ili kuhakikisha usawa, uwazi na nafasi kwa wanafunzi wote waliofaulu Mtihani wa Darasa la Saba 2025. Kwa kufuata hatua zilizoainishwa, wazazi na wanafunzi wanaweza kupata majina hayo kwa urahisi na haraka, bila mkanganyiko.

Mapendekezo ya Mhariri:

1. Matokeo ya Mtihani wa Darasa la Saba 2025/2026 NECTA
2. Matokeo ya Darasa la Saba 2025 (PSLE)
3. Kidato cha Nne Kuanza Mitihani ya Taifa Kesho November 17 2025
4. NECTA Standard Seven Results 2025 Released: 81.8% of Candidates Pass the PSLE Examination
5. Tarehe Mpya za Kufunguliwa Vyuo 2025/2026 Zatangazwa na Wizara ya Elimu
6. NECTA Yatangaza Matokeo ya Darasa la Saba 2025 – Asilimia 81.80 Wamefaulu Nchini
7. Mambo 5 ya Muhimu Kujua Wakati Wa Kusubiri Kutangazwa kwa Matokeo ya Darasa la Saba 2025