Matokeo ya Kidato cha Sita 2025 NECTA ACSEE

Matokeo ya Kidato cha Sita 2025 NECTA ACSEE

Matokeo ya Kidato cha Sita 2025 ( NECTA Advanced Certificate of Secondary Education Examination – ACSEE) yanasubiriwa kwa hamu kubwa na maelfu ya wanafunzi na wadau wa elimu kote nchini Tanzania.

Hili ni tukio muhimu sana katika kalenda ya kitaifa ya elimu, likiashiria tamati ya safari ndefu ya elimu ya sekondari ya juu (A-Level) na kufungua milango ya fursa mpya katika elimu ya juu, soko la ajira, na maendeleo ya kitaaluma kwa vijana wa Kitanzania.

Tangazo rasmi la matokeo haya ya ACSEE 2025 husimamiwa kikamilifu na Baraza la Mitihani la Taifa (NECTA). NECTA ndiyo taasisi ya kiserikali yenye jukumu la kuandaa, kusimamia, na kutangaza matokeo ya mitihani yote ya kitaifa, kuanzia elimu ya msingi, sekondari ya chini (O-Level), hadi mitihani ya Advanced Certificate of Secondary Education Examination (ACSEE).

Kwa wahitimu wa kidato cha sita 2025, matokeo haya ni zaidi ya alama tu. Ni kiashiria muhimu cha juhudi zao na dira ya mustakabali wao. Matokeo ya Kidato cha Sita 2025 yatatumika kama kigezo kikuu cha kujiunga na vyuo vikuu, taasisi za elimu ya kati (kama vile stashahada na astashahada), na hata fursa za ajira kwa wale watakao taka kuingia kwenye ajira moja kwa moja. Wahitimu watakao ibuka na ufaulu mzuri hupata fursa pana za kuchaguliwa katika programu mbalimbali za kitaaluma, hasa zile za ushindani mkubwa, na kuwapa uwezo wa kutumia ujuzi wao kutatua changamoto za kijamii, kiuchumi, na kiteknolojia.

Kwa muktadha huo, Matokeo ya Kidato cha Sita 2025 NECTA ACSEE yanabeba uzito mkubwa si kwa wanafunzi pekee, bali pia kwa wazazi, walimu, serikali, na wadau wote wa maendeleo ya elimu nchini Tanzania.

Lengo la Mtihani wa Kidato cha Sita (ACSEE)

Mtihani wa ACSEE unalenga kutathmini kiwango cha maarifa cha wanafunzi na uwezo wao wa kuendelea na elimu ya juu. Malengo makuu ya mtihani huu ni:

1. Kupima uwezo wa mwanafunzi kujiunga na elimu ya juu: Huamua uwezo wa mwanafunzi kuingia kwenye programu za shahada au stashahada.
2. Kuwezesha mwanafunzi kutumia ujuzi walioupata: Huandaa wanafunzi kutumia maarifa yao kutatua matatizo katika nyanja mbalimbali za maisha.
3. Kuthibitisha umahiri wa mwanafunzi: Huonesha kiwango cha uelewa na matumizi ya maarifa katika tahasusi mbalimbali kama vile Sayansi (PCM, PCB, EGM), Sanaa na Biashara (HGK, HGE, ECA), na Masomo ya Jumla (General Studies).

Watahiniwa wa Kidato cha Sita wanatarajiwa kuonesha uelewa wa kina unaojumuisha kufahamu, kutumia, kuchambua, kuunganisha mawazo, na kutoa tathmini sahihi ya hoja mbalimbali.

Ni Lini NECTA Itatangaza Matokeo ya Kidato cha Sita 2025?

Hadi sasa, NECTA haijatangaza rasmi tarehe kamili ya kutangazwa kwa Matokeo ya Kidato cha Sita 2025. Hata hivyo, kwa kuzingatia ratiba rasmi ya mwaka wa elimu 2025/2026 na historia ya matangazo ya NECTA kwa miaka ya nyuma, kuna viashiria vikali.

Baraza la Mitihani la Tanzania mara nyingi hutangaza Matokeo ya Kidato cha Sita katika kipindi cha Julai, hasa kati ya tarehe 10 na 20. Hii inatokana na mwenendo wa miaka mitano iliyopita:

Kutokana na mwenendo wa utangazi wa matokeo ya kidato cha Sita kwa miaka iliopita, wadau wa elimu wanapaswa kutarajia Matokeo ya mwaka 2025 kutangazwa katikati ya Julai 2025, uwezekano mkubwa kati ya tarehe 10 na 20. Ni muhimu kufuatilia tovuti rasmi ya NECTA na vyombo vya habari vya kuaminika kwa taarifa sahihi na za hivi punde.

Jinsi ya Kuangalia Matokeo ya Kidato cha Sita 2025

Wakati wa kusubiri Matokeo ya Kidato cha Sita 2025 ACSEE, NECTA imerahisisha upatikanaji wa matokeo kwa kuanzisha njia mbalimbali zakuangalia matokeo pindi yanapotangazwa. Mwongozo huu unatoa maelezo ya kina ya jinsi ya kuangalia matokeo yako kwa urahisi:

1. Kuangalia Matokeo ya Kidato cha Sita 2025 Kupitia Mtandao (Online)

Njia hii ni rahisi na inapendelewa na wengi. Fuata hatua hizi:

1. Tembelea Tovuti Rasmi ya NECTA: Fungua kivinjari chako cha intaneti (mfano Google Chrome) na uandike www.necta.go.tz kwenye kisanduku cha anwani, kisha bonyeza “Enter”.
2. Nenda kwenye Sehemu ya Matokeo: Kwenye ukurasa wa nyumbani wa NECTA, tafuta na ubofye sehemu iliyoandikwa “Results”.
3. Chagua Matokeo ya ACSEE: Katika ukurasa wa matokeo, utaona chaguo mbalimbali za mitihani. Chagua “Matokeo ya ACSEE” ili kuona matokeo ya Kidato cha Sita.
4. Chagua Mwaka wa Matokeo: Baada ya kuchagua “Matokeo ya ACSEE,” chagua “Matokeo ya ACSEE 2025” (au mwaka husika).
5. Tafuta Shule Yako: Kwenye ukurasa unaofuata, tumia kisanduku cha kutafutia (search box) kuandika jina la shule yako na ubofye “Search”.
6. Fungua Kiungo cha Shule Yako: Mara tu unapopata jina la shule yako, bonyeza kiungo chake ili kuona matokeo ya wanafunzi wa shule hiyo.
7. Tafuta Jina Lako: Katika orodha ya matokeo ya shule, tafuta jina lako kwa makini.

2. Kuangalia Matokeo ya Kidato cha Sita Kupitia USSD (Ujumbe Mfupi wa Simu)

Njia hii ni mbadala mzuri kwa wale wasio na urahisi wa intaneti, ikihitaji simu ya mkononi tu:

1. Piga 15200#: Fungua sehemu ya kupiga simu kwenye simu yako na piga namba *152*00#.
2. Chagua “Elimu”: Kwenye orodha ya huduma itakayoonekana, chagua namba 8 (ELIMU).
3. Chagua “NECTA”: Baada ya kuchagua “Elimu,” chagua namba 2 (NECTA).
4. Chagua “Matokeo”: Kwenye orodha inayofuata, chagua namba 1 (MATOKEO).
5. Chagua “ACSEE”: Kwenye orodha ya aina za mitihani, chagua namba 2 (ACSEE).
6. Andika Namba ya Mtihani na Mwaka: Andika namba yako ya mtihani (index number) na mwaka wa mtihani. Kwa mfano, “S033405562025”.
7. Chagua Aina ya Malipo: Utaombwa kuchagua jinsi ya kulipa gharama ya huduma (kawaida ni Tshs 100/=). Chagua njia inayokufaa.

Pokea Matokeo: Baada ya malipo kukamilika, utapokea ujumbe mfupi (SMS) wenye matokeo yako ya Kidato cha Sita 2025.

3. Kuangalia Matokeo ya NECTA Kidato cha Sita Mashuleni

Shule nyingi hupokea matokeo moja kwa moja kutoka NECTA na kuyabandika kwenye ubao wa matangazo. Wanafunzi wanaweza kutembelea shule zao ili kuangalia matokeo yao hapo. Walimu wakuu au walimu wengine wa shule wanaweza pia kutoa msaada kwa wanafunzi wenye changamoto katika kupata matokeo yao. Wasiliana na shule yako mapema kujua utaratibu maalum.

Umuhimu wa Matokeo ya Kidato cha Sita kwa Mustakabali wa Elimu ya Juu

Matokeo ya Kidato cha Sita ni kigezo kikuu cha uandikishaji katika vyuo vikuu, vyuo vya elimu ya ufundi, na taasisi nyingine za elimu ya juu. Alama za juu hufungua milango kwa programu mbalimbali za kitaaluma na huathiri moja kwa moja hatima ya mwanafunzi. Matokeo haya yanaashiria kukamilika kwa elimu ya sekondari ya A-Level na huandaa wanafunzi kwa changamoto mpya za kielimu na kitaaluma.

Kwa wanafunzi, wazazi, na walimu, Matokeo ya Kidato cha Sita 2025 NECTA ACSEE yataendelea kuwa hatua muhimu katika kufikia malengo ya kielimu. Yatatoa taswira ya ubora wa elimu katika shule na mikoa mbalimbali nchini Tanzania.

Matokeo ya Kidato cha Sita: Takwimu za Mwaka Jana (2024)

Kwa mwaka jana, NECTA ilitangaza Matokeo ya Kidato cha Sita mnamo Julai 13, 2024. Jumla ya wanafunzi 113,536 walisajiliwa kufanya mtihani wa ACSEE uliofanyika Mei mwaka huo. Kati ya hao, wasichana walikuwa 50,614 (asilimia 44.58) na wavulana 62,922 (asilimia 55.42). Ni muhimu kuelewa takwimu hizi za mwaka uliopita kwani zinatoa taswira ya mwenendo wa ufaulu na viwango vya elimu nchini.

Idadi ya Watahiniwa na Ufaulu Wao:

• Kati ya watahiniwa waliosajiliwa, 104,454 walitoka shule na 9,082 walikuwa wa kujitegemea.
• NECTA ilibainisha kuwa kati ya watahiniwa 104,454 wa shule, 103,812 (asilimia 99.39) walifanya mtihani. Kati ya hao, wasichana walikuwa 46,793 (asilimia 99.43) na wavulana 57,019 (asilimia 99.35).
• Watahiniwa 642 (asilimia 0.61) hawakufanya mtihani.

Ufaulu wa Jumla wa Mtihani:

• Watahiniwa wa shule waliofaulu walifikia 103,252 (asilimia 99.92). Kati yao, wasichana waliofaulu walikuwa 46,615 (asilimia 99.93) na wavulana 56,637 (asilimia 99.91).
• Watahiniwa 84 (asilimia 0.08) walishindwa mtihani.
• Ikilinganishwa na mwaka 2023 ambapo watahiniwa waliofanya mtihani walikuwa 96,319 (asilimia 99.44), mwaka 2024 kulikuwa na ongezeko la asilimia 7.78 ya watahiniwa waliofanya mtihani.
• Jumla ya watahiniwa 111,056 (asilimia 99.43) walifaulu mtihani wa Kidato cha Sita 2024. Kati ya hao, wasichana waliofaulu walikuwa 49,837 (asilimia 99.61) na wavulana 61,219 (asilimia 99.28). Ufaulu huu uliongezeka kwa asilimia 0.20 ikilinganishwa na mwaka 2023.

Ubora wa Ufaulu kwa Madaraja:

• Ubora wa ufaulu kwa kuzingatia madaraja unaonesha kuwa watahiniwa 102,719 (asilimia 99.40) walipata madaraja I-III.
• Watahiniwa wengi walipata Daraja la I na II, ambapo Daraja la I walikuwa 47,862 (asilimia 46.32) na Daraja la II walikuwa 42,359 (asilimia 40.99).
• Mwaka 2023, watahiniwa waliopata madaraja I-III walikuwa 95,442 (asilimia 99.30), hivyo ubora wa ufaulu umeongezeka kwa asilimia 0.10.

Ufaulu wa Tahasusi za Lugha, Sayansi Jamii, Biashara na Uchumi:

• Asilimia 94.20 hadi 95.95 ya watahiniwa walipata ufaulu wa Daraja la I-II katika tahasusi za Lugha, Sayansi Jamii, Biashara na Uchumi.
• Asilimia 79.40 walifaulu katika tahasusi za Sayansi Asilia.
• Asilimia 66.69 ya watahiniwa walipata Daraja la III katika tahasusi za ualimu wa masomo ya sayansi na biashara.
• Idadi kubwa ya watahiniwa waliopata Daraja la I-II ilikuwa katika tahasusi za Sayansi Asilia (31,386) ikifuatiwa na tahasusi za Sayansi Jamii (30,126).

Muhimu kutambua kuwa, katika matokeo ya 2024, NECTA ilifuta matokeo ya watahiniwa 24 kati ya 113,536 kutokana na udanganyifu, ikiwemo kuingia na simu vyumbani mwa mitihani, kukutwa na notisi, na kusaidiana. Hii inaonyesha msimamo mkali wa NECTA dhidi ya udanganyifu.

Maswali Yanayoulizwa Mara kwa Mara Kuhusu Matokeo ya NECTA Kidato cha Sita (FAQs)

1. Je, Matokeo ya Kidato cha Sita 2025 yametoka?

Hapana. Mpaka sasa NECTA haijatangaza rasmi matokeo ya mwaka 2025.

2. Matokeo yatapatikana wapi?

Matokeo yatapatikana kupitia tovuti ya NECTA: www.necta.go.tz, SMS, au mashuleni.

3. Ni lini NECTA kawaida hutangaza matokeo haya?

Kawaida hutangaza kati ya Julai 10 hadi 20 kila mwaka.

4. Je, kuna gharama yoyote ya kuangalia matokeo kwa SMS?

Ndiyo. Gharama ya SMS ni Tshs 100/= kwa kila matokeo moja.

Mapendekezo ya Mhariri:

1. Tarehe ya Kutangazwa kwa Matokeo ya Kidato cha Sita 2025 na NECTA
2. Majina ya Waliochaguliwa Kidato cha Tano 2025/2026 (Form Five Selection)
3. Shule Walizopangiwa Kidato cha Tano Zanzibar 2025
4. Majina ya Waliochaguliwa Vyuo Vya Kati 2025/2026 (Selection Vyuo Vya Kati)
5. Waliochaguliwa Kidato Cha Tano na Vyuo vya Kati 2025 (Tamisemi Selection)
6. Majina ya Wanafunzi na Shule Walizopangiwa Kidato cha Tano 2025/2026
7. Fomu Za Kujiunga Kidato Cha Tano (Form Five Joining Instruction Form) 2025
8. Ada za Kozi ya Udereva Chuo cha NIT 2025/2026
9. Tarehe ya Kutangazwa Selection Za Kidato cha Tano 2025