Matokeo ya Simba vs Azam Leo 07/12/2025
Wekundu wa Msimbazi leo wanarejea dimbani kuisaka nafasi ya kurejesha kasi yao kwenye Ligi Kuu ya NBC, wakikabiliana na matajiri wa Chamazi katika mchezo unaotajwa kuwa miongoni mwa mikikimikiki mikubwa ya soka la Tanzania. Mchezo huo, unaopigwa katika Uwanja wa Benjamin Mkapa majira ya saa 11 jioni, umeibua hamasa kubwa kutokana na historia, rekodi na ushindani wa muda mrefu baina ya pande hizi mbili.
Mandalizi ya Mchezo na Umuhimu Wake
Mzizima Derby mara zote imekuwa zaidi ya dakika tisini, ikibeba utamaduni, historia na hadhi ya vilabu ambavyo vina nafasi muhimu kwenye ramani ya soka la Tanzania. Tangu kupanda kwa Azam mwaka 2008, timu hizo zimekutana mara 34 kwenye Ligi Kuu, na takwimu zinaonyesha kiwango cha ushindani ambacho kimeifanya mechi hii kuwa ngumu kutabirika.
Kwa mujibu wa takwimu hizo, Simba imejikusanyia pointi 58 dhidi ya 31 za Azam, ikishinda mara 15 huku Azam ikifanikiwa kuibuka na ushindi mara 6. Mechi 13 zimewahi kuisha kwa sare, jambo linalothibitisha kuwa pambano la leo linaweza kwenda upande wowote.
Kocha kaimu wa Simba, Seleman Matola, anaingia katika mchezo huu akiwa na matumaini makubwa baada ya ushindi wa 3-0 dhidi ya Fountain Gate katika mechi yake ya kwanza. Kwa upande wa Azam, Florent Ibenge anaendelea kuisuka timu ambayo imekuwa ikionesha ukomavu wa ushindani licha ya kusuasua katika baadhi ya michezo ya CAF na Ligi Kuu.
Muundo wa Timu na Wachezaji wa Kutazamwa
Simba SC
Matola ataendelea kumtegemea mlinda mlango Yacoub Suleiman pamoja na beki tegemeo Rushine de Reuck aliyefunga mabao mawili msimu huu. Washambuliaji Jonathan Sowah na Jean Charles Ahoua nao wapo katika kiwango cha kuaminika; Sowah akiwa na mabao matatu, na Ahoua akitoa mchango wa mabao na pasi za mwisho katika mechi za ligi.
Wachezaji wengine wenye majukumu makubwa katika mchezo wa leo ni Neo Maema, Kibu Denis, Joshua Mutale, Chamou Karaboue na Seleman Mwalimu. Kundi hili limekuwa likitoa tishio kwa mabeki wa timu pinzani kutokana na kasi na ubunifu wao.
Azam FC
Kwa upande wa Azam, safu ya ulinzi inaongozwa na Yeison Fuentes na Yoro Diaby, huku kiungo mkabaji Sadio Kanoute na mashambulizi ya Yahya Zayd na Feisal Salum ‘Fei Toto’ yakitarajiwa kuwa chanzo cha hatari kwa Simba. Fei Toto, akiwa kinara wa mabao kwa timu yake (mabao mawili), ameendelea kuwa mchezaji mwenye bahati dhidi ya Simba hata alipokuwa klabu nyingine.
Katika safu ya ushambuliaji, Azam wataendelea kumtegemea straika mpya Japhte Kitambala pamoja na Paschal Msindo, Idd Seleman ‘Nado’, Nassoro Saadun na Abdul Suleiman ‘Sopu’.
Rekodi za Hivi Karibuni
Simba inaingia kwenye mchezo wa leo ikiwa na matokeo mchanganyiko katika mechi zake tano za karibuni:
- Ushindi wa 3-0 dhidi ya Mbeya City
- Vipigo viwili mfululizo katika michuano ya CAF
- Ushindi dhidi ya JKT Tanzania
- Sare na Nsingizini
Azam kwa upande wao wana rekodi ya sare tatu, kipigo mara mbili kwenye CAF, lakini pia walipata ushindi mkubwa wa 7-0 dhidi ya KMKM kwenye mashindano ya kimataifa.
Kwa mujibu wa historia, mechi za msimu uliopita kati ya timu hizi ziliisha kwa sare ya 2-2 na ushindi wa Simba 3-0 katika mchezo wa marudiano. Rekodi hizi zinaashiria kuwa pambano la leo linaweza kuwa na mabao kutokana na kasi ya washambuliaji wa pande zote.
Matokeo ya Simba vs Azam Leo 07/12/2025
| Simba Sc | VS | Azam Fc |
Mapendekezo ya Mhariri:
