Nafasi za Kazi Jeshi la Magereza 2025

Nafasi za Kazi Jeshi la Magereza 2025 | Nafasi Mpya za Ajira Magereza 2025

Jeshi la Magereza limetangaza nafasi mpya za ajira kwa vijana wa Kitanzania wenye sifa maalum, ikiwemo elimu ya Kidato cha Nne (Form IV) na wale wenye ujuzi wa kitaaluma katika ngazi ya Stashahada na Shahada. Ajira hizi ni sehemu ya mpango wa kuimarisha utendaji wa Jeshi la Magereza kwa kuongeza nguvu kazi yenye uwezo, uadilifu, na weledi wa hali ya juu.

Kwa mwaka 2025, nafasi hizi zinalenga kuvutia waombaji kutoka kada mbalimbali, hususan wale waliohitimu katika fani za teknolojia, uhandisi, afya, kilimo, mifugo, na nyanja nyingine muhimu zinazohitajika kwa maendeleo ya taasisi hii ya usalama.

Sifa za Waombaji wa Nafasi za Kazi Zilizotangazwa na Jeshi la Magereza 2025

Kama wewe ni miongoni mwa maelfu ya vijana wenye ndoto za kujiunga na Jeshi la Magereza, basi nafasi hizi zinaweza kuwa tiketi yako ya kutimiza ndoto hiyo. Hata hivyo, ili kufanikisha azma yako, unapaswa kuhakikisha unakidhi vigezo maalum vilivyowekwa rasmi na Jeshi la Magereza kwa mwaka 2025. Vigezo hivi vimebuniwa kuhakikisha kuwa wanaochaguliwa ni watu wenye uzalendo, maadili, afya bora na uwezo wa kukabiliana na changamoto za kazi hii ya heshima.

Zifuatazo ndizo sifa kuu zinazohitajika kwa mwombaji wa ajira Jeshi la Magereza:

1. Awe raia wa Tanzania mwenye Kitambulisho cha Taifa (NIDA) au namba ya utambulisho wa uraia.
2. Asiwe amewahi kuajiriwa Serikalini.
3. Umri: Miaka 18–24 kwa wahitimu wa Kidato cha Nne, na miaka 18–28 kwa waombaji wenye ujuzi maalum.
4. Awe na Cheti cha Kuzaliwa.
5. Urefu: Angalau futi 5’4″ kwa wanawake na futi 5’7″ kwa wanaume.
6. Awe na afya njema ya mwili na akili iliyothibitishwa na daktari wa serikali.
7. Asiwe ameoa/kuolewa, na asiwe amewahi kujifungua.
8. Mwili usiwe na alama au michoro (tattoo).
9. Awe na nidhamu, tabia njema, na asiwe amewahi kushitakiwa au kutiwa hatiani kwa kosa la jinai.
10. Awe tayari kuhudhuria mafunzo ya awali ya askari magereza na kufanya kazi katika eneo lolote la Tanzania Bara.
11. Awe tayari kugharamia hatua zote za awali za mchakato wa usaili hadi kuripoti mafunzoni.

Fani na Ujuzi Unaohitajika – Nafasi za Kazi Jeshi la Magereza 2025

Kwa mwaka 2025, Jeshi la Magereza limeainisha maeneo maalum ya kitaaluma ambayo yanahitajika ili kuongeza nguvu kazi yenye utaalamu na weledi. Waombaji wanashauriwa kuhakikisha wanamiliki vyeti halali na uzoefu (kama upo) unaoendana na mojawapo ya fani zilizotajwa hapa chini.

Ngazi ya Shahada

Kwa waombaji wa ngazi ya Shahada, Jeshi la Magereza linahitaji wataalamu wenye ujuzi wa juu katika sekta zifuatazo:

1. Shahada ya Uhandisi wa Programu (Software Engineering) – Ujuzi katika kutengeneza, kuendeleza na kusimamia mifumo ya kompyuta.
2. Shahada ya Sayansi katika Teknolojia ya Vyombo vya Habari Mseto na Uhuishaji (Bachelor of Science in Multimedia Technology and Animation) – Uwezo wa kuunda maudhui ya kidijitali na teknolojia za picha na video.
3. Shahada ya Usalama wa Mifumo (Bachelor of Cyber Security) – Utaalamu wa kulinda taarifa na mifumo ya kidijitali dhidi ya vitisho vya kimtandao.
4. Shahada ya Uhandisi wa Mitandao (Bachelor in Network Engineering) – Kusimamia, kuunda na kudumisha miundombinu ya mawasiliano ya kidijitali.
5. Shahada ya Saikolojia na Ushauri Nasaha (Psychology and Counselling) – Uwezo wa kutoa msaada wa kisaikolojia na ushauri kwa wafungwa na watumishi.
6. Shahada ya Sayansi katika Uhandisi wa Uchimbaji Madini (Bachelor of Science in Mining Engineering) – Ujuzi wa kitaalamu wa kuchimba na kusimamia rasilimali za madini.

Ngazi ya Stashahada

Kwa ngazi ya Stashahada, Jeshi linahitaji wataalamu wa kati katika fani muhimu zinazosaidia shughuli za kila siku na miradi ya kiufundi:

1. Stashahada ya Ufundi wa Vifaa vya Ofisi (Diploma in Office Machine) – Ujuzi wa kutengeneza na kutunza mashine za ofisi kama vile photocopy, printer na vifaa vya TEHAMA.
2. Stashahada ya Lugha za Alama (Diploma in Sign Language) – Uwezo wa kuwasiliana na watu wenye ulemavu wa kusikia.
3. Stashahada ya Uuguzi (Diploma in Nursing) – Huduma za afya na uuguzi kwa wafungwa na watumishi wa magereza.
4. Stashahada ya Mitambo ya Kilimo (Diploma in Agromechanization) – Matumizi ya mitambo katika kilimo cha magereza.
5. Stashahada ya Kilimo (Diploma in Agriculture) – Uzalishaji wa mazao na usimamizi wa mashamba ya magereza.
6. Stashahada ya Mifugo (Diploma in Animal Health and Production) – Huduma za mifugo na uzalishaji wa mazao ya mifugo.

Ngazi ya Astashahada

Kwa wale wa ngazi ya Astashahada, nafasi zilizotangazwa ni:

1. Astashahada ya Katibu Muhtasi (Certificate in Secretarial) – Ujuzi wa kazi za ofisi, uandishi, upangaji wa ratiba na uendeshaji wa taratibu za kiofisi.

Jinsi ya Kutuma Maombi Kwa Nafasi za Kazi Jeshi la Magereza 2025

Waombaji wote wanatakiwa kuwasilisha maombi yao kupitia Mfumo wa Ajira wa Jeshi la Magereza ujulikanao kama Tanzania Prisons Service Recruitment Management System (TPSRMS) kupitia tovuti rasmi:

🔗 https://ajira.magereza.go.tz

Zingatia: Maombi yatakayowasilishwa kwa njia nyingine hayatazingatiwa.

Tangazo hili la Nafasi za Kazi Jeshi la Magereza 2025 ni fursa adhimu kwa vijana wa Kitanzania wenye sifa na ari ya kulitumikia taifa kwa moyo wa uzalendo. Ikiwa una vigezo vilivyotajwa, hakikisha unatuma maombi yako mapema kupitia mfumo rasmi ili kuepuka usumbufu wa dakika za mwisho. Mwisho wa kupokea maombi ni tarehe 29 Agosti, 2025.

Soma Machapisho Mengine Kuhusu Nafasi Izi

• Bofya Hapa Kusoma Tangazo La Ajira Jeshi la Magereza 2025 Pdf
• Mwisho Wa Kutuma Maombi ya Ajira Jeshi la Magereza 2025
• Mfano wa Barua ya Maombi ya Kazi Jeshi la Magereza

Mapendekezo ya Mhariri:

1. Nafasi Mpya za Kazi MDAs & LGAs Juni 2025 – Tangazo la Ajira Serikalini Nafasi 6,732
2. Mfano wa Barua ya Maombi ya Kazi Jeshi la JWTZ
3. Mfano wa Barua ya Maombi ya Kazi Jeshi la Wananchi Tanzania (JWTZ)
4. Rais Samia Atangaza Ongezeko Kubwa la Mishahara kwa Watumishi wa Umma
5. Kiwango Cha Chini Cha Mshahara Kwa Watumishi wa Umma Chapanda Hadi 500,000
6. Ratiba ya Usaili Wa Mahojiano TRA 2025
7. Majina ya Walioitwa Kwenye Usaili Jeshi la Polisi Tanzania April 2025