Uganda vs Tanzania Taifa Stars Leo 27/12/2025 Saa Ngapi?
Kikosi cha Timu ya Taifa ya Tanzania, Taifa Stars, leo kinashuka dimbani kuwakabili majirani zao Uganda katika mchezo wa pili wa Kundi C wa mashindano ya Kombe la Mataifa ya Afrika (AFCON) 2025. Huu ni mchezo unaovuta hisia kubwa kwa ukanda wa Afrika Mashariki, huku timu zote mbili zikiingia uwanjani zikitafuta matokeo chanya baada ya kushindwa kwenye mechi zao za ufunguzi.
Uganda vs Tanzania Leo 27/12/2025 Saa Ngapi?
- Mchezo: Uganda vs Tanzania (Taifa Stars)
- Tarehe: Jumamosi, 27 Desemba 2025
- Saa ya Kuanza: Saa 2:30 usiku (19:30 EAT – Muda wa Afrika Mashariki)
- Mashindano: AFCON 2025 – Hatua ya Makundi (Kundi C)
- Uwanja: Al-Barid Stadium, Rabat – Morocco
- Matangazo ya Moja kwa Moja: Azam Sports 1 HD
Hali ya Timu Kabla ya Mchezo
Uganda
Uganda inaingia kwenye mchezo huu baada ya kupoteza mechi yake ya kwanza ya Kundi C kwa kufungwa 3–1 na Tunisia. Kipigo hicho kiliendeleza mwenendo mgumu wa Uganda katika mashindano ya AFCON, ambapo tayari wamepoteza michezo mingi katika historia yao ya mashindano hayo.
Licha ya kupoteza, Uganda ilipata bao la kufutia machozi kupitia Denis Omedi katika dakika za mwisho, bao lililovunja ukame wa mabao uliodumu kwa dakika 376 bila kufunga kwenye AFCON.
Tanzania (Taifa Stars)
Kwa upande wa Tanzania, Taifa Stars ilianza kampeni yao kwa kupoteza 2–1 dhidi ya Nigeria.
Bao la Tanzania lilifungwa na Charles M’Mombwa, ambaye ameendelea kuwa mchezaji muhimu katika safu ya ushambuliaji, akihusika na mabao mengi ya hivi karibuni ya timu hiyo.
Licha ya matokeo, Tanzania ilionyesha ushindani mkubwa dhidi ya Nigeria, huku kipa Zuberi Lukomo akiokoa mashuti manane, idadi iliyomuweka miongoni mwa makipa waliofanya kazi kubwa zaidi katika raundi ya kwanza ya mechi za makundi.
Mapendekezo ya Mhariri:
- Msimamo wa Makundi AFCON 2025
- Msimamo wa Kundi C La Tanzania AFCON 2025
- Matokeo ya Nigeria vs Tanzania Leo 23/12/2025 AFCON
- Kikosi cha Tanzania vs Nigeria Leo 23/12/2025 AFCON
- Ratiba ya Mechi za AFCON Leo 23/12/2025
- Bao la Dakika za Mwisho la Patson Daka Lainusuru Zambia Dhidi ya Mali, Mechi Ikiisha 1-1
