Yanga vs JKT Tanzania Leo 25/02/2026 Saa Ngapi?

Yanga vs JKT Tanzania Leo 25/02/2026 Saa Ngapi?

Ligi Kuu ya NBC msimu wa 2025/2026 inaendelea kushika kasi leo Jumatano, 25 Februari 2026, huku ushindani wa kuwania kilele cha msimamo ukizidi kupamba moto. Katika ratiba ya leo, moja ya michezo inayosubiriwa kwa hamu ni kati ya Young Africans SC dhidi ya JKT Tanzania FC, mechi inayotarajiwa kuwa na mvuto mkubwa kutokana na nafasi za timu hizi kwenye msimamo wa ligi.

Yanga vs JKT Tanzania Leo 25/02/2026 Saa Ngapi?

Kwa mujibu wa ratiba ya Ligi Kuu ya NBC, mchezo huu ndio utakua mchezo wa mapema zaidi leo na utapigwa majira ya saa 10:00 jioni (4:00 pm) katika Uwanja wa KMC Complex.

Mchezo wa Ushindani wa Juu Kwenye Msimamo

Mkutano huu unawakutanisha timu mbili zilizo juu kabisa kwenye jedwali la msimamo. JKT Tanzania inaongoza ligi ikiwa na pointi 28, huku Yanga ikishika nafasi ya pili kwa pointi 25 baada ya kucheza mechi tisa, kushinda nane na kutoka sare moja.

Yanga, mabingwa watetezi wa Ligi Kuu kwa misimu minne mfululizo, wanahitaji ushindi ili kurejea kileleni kabla ya dabi ya Karikoo inayotarajiwa kupigwa Jumapili ijayo Zanzibar. Ushindi kwao unaweza kuifanya timu hiyo kuongoza ligi kwa tofauti ya mabao, jambo linalotajwa kuwa na umuhimu mkubwa katika hatua hii ya mashindano.

Kauli ya Kocha Kabla ya Pambano

Akizungumzia maandalizi ya mchezo huo, Pedro alieleza kuwa hawatarajii kazi nyepesi mbele ya vinara wa ligi.

“Tunakutana na mshindani mkubwa ambaye amefanya kazi nzuri hadi amesimama wa kwanza kwenye msimamo, mbinu bora na wachezaji bora ndio watakaoamua hatma ya kuongoza ligi kwani naamini tukipata matokeo dhidi ya mpinzani huyo tunaweza kuongoza ligi kwa idadi ya mabao,” alisema Pedro.

Aliongeza kuwa kukutana na timu bora huongeza kiwango cha ushindani kwa wachezaji na benchi la ufundi, akisisitiza umuhimu wa kusahihisha makosa kabla ya kuivaa JKT Tanzania.

Kauli hiyo inaonyesha wazi kuwa benchi la ufundi la Yanga linautazama mchezo huu kama mtihani muhimu katika mbio za ubingwa.

Mapendekezo ya Mhariri:

1. Kocha Steve Barker Aeleza Mkakati wa Simba Katika Mechi Tatu Zijazo
2. Kocha Yusuf Chipo Alia na Mabeki Baada ya Mtibwa Kufungwa 3-1 na Singida BS
3. Droo ya Hatua ya 32 Bora Kombe la Shirikisho la CRDB Kufanyika Februari 24
4. Mgombea Urais Barcelona Victor Font Aahidi Kumrejesha Messi Camp Nou
5. Morice Sichone Asaini Mkataba wa Mwaka Mmoja Gulf FC UAE