Kikosi cha Simba vs JKT Tanzania Leo 08/11/2025
Wekundu wa Msimbazi Simba leo watakuwa uwanjani wakisaka pointi tatu muhimu katika Ligi Kuu NBC 2025/2026 dhidi ya wenyeji wao, makamanda wa JKT Tanzania. Mchezo huu wa ligi unatajwa kuwa na uzito mkubwa kutokana na umuhimu wa kila timu kuimarisha nafasi kwenye mbio za kuwania uongozi wa msimamo wa ligi msimu huu. Dakika 90 za leo zinaweza kuamua ni nani atakayekalia kilele cha msimamo hata kama kwa muda mfupi hivyo hamasa imeongezeka maradufu.
Taarifa Kuu za Mchezo
- Mshindano: Ligi Kuu NBC 2025/2026
- Muda: Saa 1:00 usiku
- Uwanja: Kambi ya Jeshi (uwanja wa JKT Tanzania)
Mechi hii ni sehemu ya ratiba ya wikiendi ambayo imeelezwa kuwa “jumamosi ya moto” kutokana na ushindani mkali miongoni mwa timu za juu ya msimamo. Mshindi wa pambano hili ataweza kupanda juu ya msimamo wa ligi na kusubiri matokeo ya kesho.
JKT Tanzania inaingia kwenye mchezo huu wa leo ikiwa na lengo la kuzisaka pointi tatu ili kuongeza idadi ya pointi zao saba ambazo wanazo hadi hivi sasa, huku Simba ikiwa na pointi sita. Kila upande unahitaji ushindi ili kukaa kileleni kwa muda angalau kwa saa 24.
Kocha wa Simba, Dimitar Pantev, na mwenzake wa JKT Tanzania, Gamondi, wote walithibitisha ugumu wa mchezo. Gamondi anakiri kuwa mechi haitakuwa rahisi, huku upande wa Simba ukisema kikosi kiko tayari kupambana. Mbele ya mchezo huu, kocha Francis Baraza wa Simba alisisitiza utulivu na nidhamu ya mchezo, akisema: “Dakika 90 ndio zitakazoamua.”
Kikosi cha Simba vs JKT Tanzania Leo 08/11/2025
Kikosi rasmi cha Simba kitakachoshuka dimbani usiku wa leo dhidi ya JKT Tanzania katika Uwanja wa Kambi ya Jeshi, kinatarajiwa kuthibitishwa rasmi na benchi la ufundi kabla ya mchezo kuanza saa 1:00 usiku.
Kwa mujibu wa mwenendo wa michezo ya awali ya ligi, wachezaji tegemeo wa safu ya ushambuliaji akiwemo Steven Mukwala, pamoja na viungo wabunifu Jonathan Sowah, Selemani Mwalimu na Jean Charles Ahou, wanatarajiwa kuwa sehemu ya silaha kuu za Simba kwenye mchezo huu muhimu wa kusaka pointi tatu.
Katika eneo la ulinzi, Simba inatarajiwa kutegemea muunganiko wa Rushine de Reuck, Chamou Karaboue na Wilson Nangu, ambao wamekuwa mhimili imara wa ukuta wa nyuma katika michezo ya hivi karibuni.
Hata hivyo, kikosi cha Simba kitaingia uwanjani kikiwa na pengo la nyota wawili muhimu wenye majeraha – Moussa Camara ambaye ni kipa namba moja, pamoja na beki wa kati Abdulrazak Hamza. Kiungo Mohammed Bajaber, ambaye amerejea kutoka majeruhi hivi karibuni, bado yupo kwenye tathmini na uwezekano wa kuanza mchezo unabaki kuwa mdogo.
Kwa upande wa JKT Tanzania, wenyeji watategemea makali ya safu yao ya ushambuliaji inayoongozwa na Paul Peter na Saleh Karabaka, ambao kwa sasa ni miongoni mwa vinara wa mabao kwenye Ligi Kuu. Pia, uzoefu wa Hassan Dilunga na Edward Songo unatarajiwa kuwa silaha muhimu ya kubalance timu dhidi ya kasi ya Simba.
Kwa mujibu wa kauli za makocha wa pande zote mbili, mchezo unatarajiwa kuwa na ushindani mkali, huku kila upande ukilenga kutumia ubora wa kikosi chake kwa ufanisi ili kufikisha ndoto ya kukaa kileleni mwa msimamo wa ligi – hata kama ni kwa saa 24.
Mashabiki sasa wanasubiri kuthibitishwa rasmi kwa orodha ya wachezaji watakaopangwa kuanza, katika mchezo unaobeba msisimko na umuhimu mkubwa kwenye mbio za ubingwa wa msimu wa 2025/2026
Mapendekezo ya Mhariri:
- Ratiba ya Ligi Kuu Wanawake Tanzania (TWPL) 2025/2026
- Droo ya Makundi Kombe la Shirikisho Afrika CAF 2025/2026
- Yanga Yaangukia Kundi B na Al Ahly Droo ya Makundi Klabu Bingwa 2025/2026
- Msimamo Kundi la Yanga Klabu Bingwa 2025/2026
- Msimamo Kundi la Simba Klabu Bingwa 2025/2026
- Droo ya Makundi Klabu Bingwa Afrika 2025/2026
