Kikosi cha Simba vs Stade Malien leo 30/11/2025
LEO, kikosi cha Simba SC kitakua kwenye dimba la Stade du 26 Mars katika jiji la Bamako, Mali, kwa mchezo muhimu wa hatua ya makundi ya Ligi ya Mabingwa Afrika dhidi ya wenyeji Stade Malien. Mchezo huu wa Kundi D unatarajiwa kuanza saa 1:00 usiku, na utakuwa mubashara kupitia AzamSports1HD. Timu ya Tanzania inaingia katika mchezo huu ikihitaji matokeo mazuri ili kuongeza nafasi ya kufuzu hatua ya robo fainali, hasa baada ya kupoteza mechi ya kwanza jijini Dar es Salaam.
Katika kundi hili, Simba inashika nafasi ya mwisho baada ya kufungwa 1-0 nyumbani na Petro de Luanda ya Angola. Kwa upande wa wapinzani wao leo, Stade Malien, wao walitoka suluhu ya 0-0 ugenini dhidi ya Esperance de Tunis.
Hali hii inamaanisha kuwa ushindi kwa Simba leo utabadilisha mwelekeo wa msimamo wa kundi, kwani inayo nafasi ya kuishusha Malien na kufufua matumaini yake ya kusonga mbele.
Mabadiliko ya Kiufundi na Mipango ya Kocha wa Simba
Katika mechi iliyopita, benchi la ufundi la Simba lilianzia na kikosi kisicho na mshambuliaji wa asili, jambo lililozua ukosoaji kutoka kwa wadau na wachambuzi wa mpira. Kocha Dimitar Pantev, anayesaidiwa na Seleman Matola, ameweka wazi kwamba leo ataanza na mshambuliaji mmoja, akibainisha kuwa mkakati huo umezingatia aina ya mpinzani anayekutana naye.
Simba ina washambuliaji watatu katika kikosi:
- Steven Mukwala – aliyepo tangu msimu uliopita
- Seleman Mwalimu – aliyejiunga msimu huu
- Jonathan Sowah – pia aliyeletwa katika kipindi hiki
Mukwala amesema wazi kuwa majukumu ya mshambuliaji ni kuhakikisha timu inapata ushindi kupitia mabao, na kusisitiza umuhimu wa utulivu wa kiakili pale nafasi inapopotea.
Safari ya Simba Kuelekea Mali na Hali ya Kikosi
Simba imefanya safari kuelekea Bamako ikiwa na wachezaji wake wengi tegemeo. Hata hivyo, baadhi wameachwa kutokana na matatizo binafsi au majeraha, wakiwemo:
- Kibu Denis
- Awesu Awesu
- Abdulrazak Hamza
- Kipa Moussa Camara
Mohamed Bajaber alikuwapo kwenye mipango ya safari, lakini kulikuwepo na hali ya hatihati kutokana na dharura binafsi. Kiungo Yusuf Kagoma, aliyekosekana katika mechi iliyopita, amethibitishwa kuwa hana tatizo la majeraha na alikuwa mazoezini pamoja na wenzake kabla ya safari. Katika mtazamo wa kiufundi, benchi la ufundi la Simba linaonekana kujiandaa kwa umakini mkubwa ili kuepusha kurudia makosa ya msimu wa 2022–2023 ambapo Simba ilipoteza mechi mbili mfululizo katika hatua kama hii dhidi ya AC Horoya na Raja Casablanca.
Kikosi cha Simba vs Stade Malien leo 30/11/2025
Mashabiki wa Simba SC nchini Tanzania na Afrika kwa ujumla wanatazamia kwa hamu kutambua wachezaji watakaopangwa na kocha Dimitar Pantev katika mchezo wa leo. Kama ilivyo katika taratibu za mashindano ya CAF, kikosi cha Simba kinachotaraia kuanza dhidi ya Stade Malien leo kinatarajiwa kutangazwa rasmi lisaa limoja kabla ya mchezo kuanza.
Hivyo basi, kikosi cha Simba vs Stade Malien leo 30/11/2025 kitapangwa na kuthibitishwa na benchi la ufundi muda mfupi kabla ya kuanza kwa mchezo. Tutawasilisha mara moja taarifa rasmi kuhusu kikosi kamili cha Simba pindi tu kitakapotangazwa.
Hiki Apa Kikosi cha Simba Kilichotangazwa leo
Mapendekezo ya Mhariri:
