Kikosi cha Yanga VS Dodoma Jiji Leo 22/06/2025 | Kikosi cha Yanga Leo Dhidi ya Dodoma Jiji Ligi Kuu
Timu ya wananchi, Yanga SC, leo tarehe 22 Juni 2025 itashuka dimbani kuendelea na juhudi zake za kutetea taji la Ligi Kuu ya NBC Tanzania Bara kwa kukipiga dhidi ya Dodoma Jiji FC.
Mchezo huu muhimu unatarajiwa kufanyika kwenye Uwanja wa New Amaan, Zanzibar, huku Yanga wakilenga ushindi wa lazima ili kuendeleza matumaini ya kubeba ubingwa kabla ya kukutana na watani wao wa jadi, Simba SC, tarehe 25 Juni.
Yanga inaingia kwenye mchezo wa leo ikiwa kinara wa msimamo wa ligi kwa alama 76, ikiwapiku Simba SC ambao wana alama 75. Kwa timu zote mbili zilizocheza mechi 28 kila moja, ushindi katika mechi ya leo ni wa msingi kwa Yanga iwapo wanataka kuendelea kusalia kileleni. Hali hii inafanya mechi ya leo dhidi ya Dodoma Jiji kuwa ya “kufa na kupona,” kwani droo au kichapo chochote kinaweza kuwapa Simba nafasi ya kulinyakua taji iwapo nao wataibuka na ushindi dhidi ya Kagera Sugar katika mechi yao ya leo.
Kikosi cha Yanga VS Dodoma Jiji Leo 22/06/2025
Kikosi rasmi cha Yanga SC dhidi ya Dodoma Jiji kinatarajiwa kutangazwa saa 9:00 alasiri, huku macho yote yakiwa kwa kocha mkuu Miloud Hamdi atakayefanya maamuzi ya mwisho ya kimbinu kuhakikisha wanaondoka na pointi zote tatu.
Ingawa orodha kamili bado haijatangazwa, mashabiki wanatarajia kuona wachezaji tegemeo kama Prince Dube, Stephane Aziz Ki na Clement Mzize ambao wamekuwa na mchango mkubwa msimu huu, kila mmoja akiwa na mabao 13 katika orodha ya wafungaji bora wa ligi.
Kwa upande wa ulinzi, mlinda mlango wa Yanga, Djigui Diarra, ana clean sheets 16 msimu huu na ana nafasi ya kulingana na Moussa Camara wa Simba aliyefikisha clean sheets 18. Mchezo wa leo ni fursa nyingine kwa Diarra kuonesha uwezo wake katika mechi za presha kubwa.
Mbio za Ubingwa na Rekodi za Msimu
Kwa sasa, Yanga na Simba ndizo timu pekee zinazowania ubingwa. Kwa mujibu wa takwimu rasmi, hadi sasa ligi imechezwa mechi 231 kati ya 240, na Yanga bado inashikilia matumaini ya taji ikiwa itaibuka na ushindi leo. Mechi yao ya mwisho dhidi ya Simba itakuwa kama fainali ya msimu.
Katika upande wa rekodi binafsi, Djigui Diarra wa Yanga ana clean sheet 16, akimfuata kwa karibu Moussa Camara wa Simba mwenye 18. Diarra atahitaji clean sheet nyingine leo ili kufikia au kupiku rekodi hiyo.
Kwa washambuliaji, Yanga ina wachezaji wawili kwenye vita ya ufungaji bora – Prince Dube na Clement Mzize, kila mmoja akiwa na mabao 13. Mchezaji mwingine wa Yanga aliyeonekana kung’ara ni Pacome Zouzoua akiwa na mabao 11. Kwa ujumla, mafanikio ya leo si tu yatasaidia Yanga katika kuwania taji, bali pia katika ushindani wa tuzo binafsi za msimu huu.
Hali ya Dodoma Jiji Kabla ya Mchezo
Dodoma Jiji FC, tayari imeshajihakikishia kubaki katika Ligi Kuu msimu ujao, jambo linalowapa nafasi ya kucheza bila shinikizo la kupigania kuendelea kushiriki ligi. Winga wao nyota, Idd Kipagwile, amethibitisha kuwa licha ya kutokuwa na presha ya kubaki ligi kuu, wana nia ya kupambana hadi dakika ya mwisho. Kipagwile amehusika katika mabao 11 kati ya 31 ya timu hiyo msimu huu, akifunga saba na kusaidia manne.
Kipagwile, ambaye ni mchezaji wa pili kwa mabao mengi katika kikosi cha Dodoma nyuma ya Paul Peter aliyefunga mabao manane, amesisitiza kuwa mchezo wa leo ni fursa ya kulipa kisasi baada ya kupoteza dhidi ya Yanga katika mzunguko wa kwanza. “Tunaiheshimu Yanga, lakini pia tunahitaji heshima. Tutapambana kuhakikisha tunamaliza msimu kwa ushindi,” alisema winga huyo.
Mapendekezo ya Mhariri:
- Kikosi cha Simba Vs Kagera Sugar Leo 22/06/2025
- Simba Vs Kagera Sugar Leo 22/06/2025 Saa Ngapi?
- Yanga vs Dodoma Jiji Leo 22/06/2025 Saa Ngapi?
- TFF Yafunga Rasmi Zoezi la Uchukuaji wa Fomu za Uongozi – Wagombea 25 Wajitokeza
- Tanzania Yashinda Ubingwa wa CECAFA Wanawake 2025 Kupitia Twiga Stars
- KMKM Mabingwa wa FA Cup Zanzibar 2025 Baada ya Ushindi wa 4-2 Dhidi ya Chipukizi
- Timu Zilizofuzu Hatua ya 16 Bora Kombe la Dunia la Vilabu 2025
- Klabu ya Liverpool Yamwaga Mamilioni Kumnasa Florian Wirtz
- Viingilio Simba SC vs Kagera Sugar 22/06/2025
