Matokeo ya JS Kabylie vs Yanga Leo 28/11/2025
Mabingwa watetezi wa Ligi Kuu ya NBC, Yanga SC leo watakua ugenini kutunishiana misuli na JS Kabylie katika mchezo muhimu wa hatua ya makundi ya Ligi ya Mabingwa Afrika, ukiwa miongoni mwa michezo inayotarajiwa kuvuta hisia za mashabiki wengi barani Afrika. Mchuano huo utapigwa saa 19:00 kwa saa za Afrika Mashariki katika Uwanja wa Hocine Al Ahmed uliopo Tizi Ouz, Algeria.
Umuhimu wa Mchezo wa Leo
Huu ni mchezo wa pili kwa Yanga katika hatua ya makundi ya CAF Champions League msimu huu, baada ya kupata ushindi wa bao 1-0 dhidi ya AS FAR Rabat kwenye mchezo wao wa kwanza. Matokeo hayo yameipa nguvu klabu hiyo kuelekea pambano la leo, ingawa historia inaonyesha safari zao za Algeria mara nyingi zimekuwa ngumu.
Kocha Pedro Goncalves alifichua kuwa anatarajia pambano lenye ushindani mkubwa kutokana na uwezo wa wapinzani wao hasa wanapocheza nyumbani. Akinukuliwa akibainisha mbinu atakazotumia, alisema kuwa kikosi chake kitaingia kwa nidhamu ya hali ya juu na “mashambulizi ya kushtukiza yenye nguvu” mara watakapopata nafasi ya kumiliki mpira.
JS Kabylie wanaingia katika mchezo wa leo wakiwa na presha ya kurekebisha makosa baada ya kupoteza kwa mabao 4-1 dhidi ya Al Ahly kwenye mechi yao ya kwanza ya kundi. Pamoja na hayo, rekodi zao nyumbani bado zinaipa timu hiyo nguvu kubwa.
Tangu Januari 5, 2021, JS Kabylie imepoteza mchezo mmoja pekee wa CAF wakiwa dimbani kwao—ikitoka kifua mbele mara 13 na kufanya sare tatu. Msimu huu kwenye mashindano ya ndani, bado hawajapoteza mechi yoyote nyumbani.
Kwa upande wa wachezaji, nguvu ya kiungo cha JS Kabylie inapandishwa na majina yanayoifahamu vyema Yanga kupitia Ligi Kuu Bara:
● Babacar Sarr – kiungo wa zamani wa Simba, aliyetoa kiwango kikubwa dhidi ya Al Ahly.
● Josaphat Arthur Bada – kiungo wa zamani wa Singida Black Stars, ambaye pia ana uzoefu mkubwa dhidi ya Yanga.
Wachezaji hawa wanatarajiwa kuipa timu yao kasi ya kutawala eneo la kati na kutengeneza presha kwa wageni.
Matokeo ya JS Kabylie vs Yanga Leo 28/11/2025
| JS Kabylie | vs | Yanga |
Taarifa za Mchezo
🏆 #CAFCL
🆚 JS Kabylie 🇩🇿 (A)
🗓️ 28 November 2025
🏟️ Hocine Aït Ahmed
⏱️ 7:00PM🇹🇿 | 5:00PM🇩🇿
Mapendekezo ya Mhariri:
- TFF Yatangaza Kuahirishwa kwa Tuzo za Msimu 2024/2025
- Timu Tatu za Tanzania Zashindwa Kung’ara Katika Michezo ya Kwanza ya Makundi CAF
- Msimamo wa Makundi Kombe la Shirikisho CAF 2025/2026
- Msimamo Kundi la Simba Klabu Bingwa 2025/2026
- Matokeo ya Simba vs Petro De Luanda leo 23/11/2025
- Wachezaji Wanaowania Tuzo za TFF 2024/2025








Leave a Reply