Mshahara wa Celestin Ecua Yanga 2025/2026

Mshahara wa Celestin Ecua Yanga 2025/2026

Klabu ya Yanga SC imeendeleza harakati zake za kujiimarisha kuelekea msimu wa 2025/2026 kwa kumtambulisha rasmi mshambuliaji hatari kutoka Ivory Coast, Celestin Ecua. Nyota huyo amejiunga na Wanajangwani akiwa na rekodi ya mabao 15 na pasi 12 za mabao katika Ligi Kuu ya Ivory Coast msimu uliopita, jambo ambalo limewafanya mashabiki wa Yanga kutamba mitandaoni. Hata hivyo, kilichovutia zaidi si tu uwezo wake uwanjani, bali ni mshahara wa Celestin Ecua Yanga 2025/2026 ambao umeweka historia mpya ndani ya klabu hiyo.

Celestin Ecua amesaini mkataba wa miaka mitatu na Yanga SC, ambao thamani yake imefikia kiasi cha Dola 438,000 sawa na zaidi ya Shilingi bilioni moja za Kitanzania. Kiasi hicho kinajumuisha ada ya usajili pamoja na mshahara atakaokuwa analipwa kwa kipindi chote cha mkataba. Taarifa za ndani kutoka klabuni zimethibitisha kuwa dau hili linaifanya Yanga kuwa miongoni mwa klabu zinazotoa mikataba yenye hadhi ya kimataifa kwa wachezaji wa kigeni wanaojiunga nao.

Mshahara wa Celestin Ecua Yanga 2025/2026: Muundo kwa Kila Mwaka

Mwaka wa Kwanza (2025/2026)

Katika mwaka wake wa kwanza, Ecua atapokea mshahara wa Dola 7,000 kwa mwezi (takriban Shilingi milioni 17), na ada ya usajili ya Dola 70,000 (takriban Shilingi milioni 175). Hii ina maana kuwa ndani ya miezi 12 ya mwanzo, nyota huyo atajikusanyia jumla ya Dola 84,000 (zaidi ya Shilingi milioni 211). Mwaka huu unachukuliwa kama wa majaribio, ambapo kiwango chake kitaangaliwa kwa karibu na viongozi wa Yanga.

Mwaka wa Pili (2026/2027)

Endapo kiwango chake kitaendelea kuwa cha kuridhisha, mshahara wa Celestin Ecua utaongezeka hadi Dola 8,000 kwa mwezi (zaidi ya Shilingi milioni 20). Katika kipindi hiki cha miezi 12, Ecua atavuna Dola 96,000 sawa na zaidi ya Shilingi milioni 241. Ongezeko hili linategemea utendaji wake wa jumla na mchango wake katika mafanikio ya timu.

Mwaka wa Tatu (2027/2028)

Msimu wa mwisho wa mkataba wake utakuwa wa kuvuna zaidi. Mshahara wake utaongezwa tena kwa Dola 1,000 na kufikia Dola 9,000 kwa mwezi (takriban Shilingi milioni 23). Aidha, Ecua atapokea sehemu ya mwisho ya ada ya usajili yenye thamani ya Dola 80,000, hatua itakayofikisha jumla ya Dola 150,000 kwa ada ya usajili pekee katika miaka mitatu.

Mbali na mshahara wa Celestin Ecua Yanga 2025/2026, mkataba wake pia umejumuisha kipengele cha bonasi ya mabao. Endapo mshambuliaji huyo atafunga zaidi ya mabao 10 ndani ya msimu mmoja, atazawadiwa Dola 10,000.

Ikiwa atafikisha mabao 20, bonasi hiyo itapanda hadi Dola 15,000. Mpango huu umewekwa ili kumtia motisha mchezaji huyo kuhakikisha anakuwa na kiwango bora zaidi msimu mzima.

Mapendekezo ya Mhariri:

1. Msimamo Kundi la Tanzania CHAN 2024
2. Mohamed Hussein Shabalala Ajiunga na Yanga SC Baada ya Miaka 11 Simba
3. Ratiba ya CHAN 2025 Mechi za Makundi
4. Orodha ya Wachezaji Wazawa Yanga Sc 2025/2026
5. CV Ya Mohamed Doumbia Kiungo Mpya wa Yanga 2025/2026
6. Cv ya Mohammed Bajaber Kiungo Mshambuliaji Mpya Simba Sc 2025/2026
7. Picha za Wachezaji Wapya wa Simba 2025/2026