Mwisho Wa Kutuma Maombi ya Ajira Jeshi la Magereza 2025

Mwisho Wa Kutuma Maombi ya Ajira Jeshi la Magereza 2025

Jeshi la Magereza limetangaza nafasi mpya za ajira kwa mwaka 2025, likitoa fursa kwa Watanzania wenye sifa stahiki kujiunga na taasisi hii muhimu ya ulinzi na usalama. Tangazo hili limeambatana na mwongozo wa namna ya kutuma maombi, orodha ya sifa zinazohitajika pamoja na tarehe rasmi ya mwisho wa kupokea maombi ambao ni tarehe 29 Agosti 2025.

Kwa wale wanaotamani kuwa sehemu ya chombo hiki chenye historia ndefu, hili ni tangazo muhimu kwani Jeshi la Magereza limekuwa na mchango mkubwa katika kulinda usalama wa jamii na kutekeleza majukumu ya urekebishaji wa wahalifu nchini.

Historia Fupi ya Jeshi la Magereza

Jeshi la Magereza nchini Tanzania lilianzishwa rasmi tarehe 25 Agosti 1931, baada ya mgawanyo wa majukumu kati ya Jeshi la Polisi na Magereza. Kabla ya mwaka huo, Jeshi la Polisi lilikuwa likifanya pia kazi za Magereza kwa mujibu wa sera za kikoloni.

Wakati linaanzishwa, lilijulikana kama Idara ya Jela, likiwa na majukumu ya ulinzi na urekebishaji wa wafungwa, ingawa awali shughuli hizo zilijikita zaidi kwenye kazi ngumu za kikoloni.

Leo, Jeshi la Magereza limebadilika na kuwa taasisi ya kisasa yenye dira na dhima inayolenga kutoa huduma za kitaalamu, kulinda jamii, na kusaidia wahalifu kuachana na mienendo ya kihalifu wanapomaliza vifungo vyao.

Dira na Dhima ya Jeshi la Magereza

Dira: Kuwa jeshi la kurekebisha wahalifu lenye utaalamu wa hali ya juu, linaloendeshwa kwa kuzingatia viwango vya kitaifa na kimataifa.

Dhima: Kuimarisha usalama wa jamii kupitia usimamizi wa kifungo, utoaji wa huduma bora kwa mahabusu, na utekelezaji wa programu za urekebishaji na ufundishaji. Lengo kuu ni kuhakikisha wafungwa wanapomaliza vifungo, wanarejea kwenye jamii wakiwa raia wema na wachangiaji wa maendeleo ya taifa.

Majukumu ya Jeshi la Magereza

1. Jeshi la Magereza lina majukumu kadhaa muhimu, ikiwa ni pamoja na:
2. Kuhifadhi wafungwa wote waliowekwa chini ya ulinzi kisheria.
3. Kuendesha programu za urekebishaji na ufundishaji wa stadi za maisha.
4. Kutoa huduma kwa mahabusu kwa mujibu wa sheria.
5. Kushauri juu ya mbinu za kuzuia na kudhibiti uhalifu.

Kupitia majukumu haya, Jeshi la Magereza linachangia kwa kiasi kikubwa katika kuimarisha usalama wa taifa na kuhamasisha maendeleo ya kijamii na kiuchumi.

Mapendekezo ya Mhariri:

1. Nafasi za Kazi Jeshi la Magereza 2025
2. Nafasi Mpya za Kazi MDAs & LGAs Juni 2025 – Tangazo la Ajira Serikalini Nafasi 6,732
3. Mfano wa Barua ya Maombi ya Kazi Jeshi la JWTZ
4. Mfano wa Barua ya Maombi ya Kazi Jeshi la Wananchi Tanzania (JWTZ)
5. Rais Samia Atangaza Ongezeko Kubwa la Mishahara kwa Watumishi wa Umma
6. Kiwango Cha Chini Cha Mshahara Kwa Watumishi wa Umma Chapanda Hadi 500,000
7. Ratiba ya Usaili Wa Mahojiano TRA 2025