Sifa za Kujiunga Chuo cha Utumishi wa Umma 2025/2026

Sifa za Kujiunga Chuo cha Utumishi wa Umma 2025/2026

Chuo cha Utumishi wa Umma Tanzania (TPSC) ni mojawapo ya taasisi za serikali zilizopewa jukumu la kutoa elimu na mafunzo ya kitaaluma kwa ajili ya kukuza ufanisi wa watumishi wa umma nchini.

Kwa zaidi ya miaka ishirini tangu kuanzishwa kwake mwaka 2000, TPSC imeendelea kujizolea sifa kama chuo kinachotoa kozi bora za utawala, usimamizi, maadili na uongozi kwa ngazi mbalimbali za elimu. Chuo hiki kimekuwa nguzo muhimu katika kujenga rasilimali watu yenye ujuzi na uwezo wa kutoa huduma bora kwa umma, sambamba na mahitaji yanayobadilika ya sekta ya umma na binafsi.

Kwa mwaka wa masomo 2025/2026, TPSC inatarajia kudahili wanafunzi wapya kutoka maeneo mbalimbali ya Tanzania kupitia programu zake za Cheti, Diploma, na Shahada ya Kwanza. Ili kujiunga rasmi na chuo hiki, mwombaji anatakiwa kuzingatia sifa za kujiunga Chuo cha Utumishi wa Umma 2025/2026 kulingana na ngazi ya mafunzo anayokusudia kujiunga nayo.

Mwongozo huu umeandaliwa mahsusi ili kutoa maelezo ya kina kuhusu vigezo vinavyotakiwa, aina ya kozi zinazotolewa, pamoja na taarifa muhimu kuhusu miundombinu na mazingira ya kujifunzia. Kwa kuzingatia matumizi ya teknolojia ya kisasa, mfumo wa elimu unaozingatia weledi (CBET), na uwepo wa kampasi sita kote nchini, TPSC ni chaguo sahihi kwa wale wanaotafuta elimu yenye mwelekeo wa vitendo na mahitaji ya soko la ajira la sasa. Hivyo, kwa wale wote wanaotamani kujiunga na moja ya taasisi bora zaidi za mafunzo ya utumishi nchini, ni muhimu kuelewa kwa kina sifa za kujiunga Chuo cha Utumishi wa Umma 2025/2026 kabla ya kutuma maombi yao.

Ngazi za Mafunzo Zinazotolewa na TPSC

Chuo cha Utumishi wa Umma kinatoa kozi katika ngazi zifuatazo:

1. Ngazi ya Cheti (Basic Technician Certificate – NTA Level 4)
2. Ngazi ya Diploma (Ordinary Diploma – NTA Level 6)
3. Ngazi ya Shahada ya Kwanza (Bachelor’s Degree)

Programu hizi zimetengenezwa kwa kuzingatia mabadiliko ya kiuchumi na kijamii, pamoja na mahitaji ya soko la ajira nchini. Pia, TPSC inatumia mfumo wa mafunzo unaozingatia ujuzi na weledi wa mwanafunzi (Competence-Based Education and Training – CBET), ili kuhakikisha wahitimu wanakuwa na uwezo wa kutekeleza majukumu kwa vitendo.

Sifa za Kujiunga Chuo cha Utumishi wa Umma 2025/2026 Ngazi ya Cheti (NTA Level 4)

Mwombaji wa kozi za cheti katika chuo cha utumishi wa umma anatakiwa awe na Cheti cha kumaliza KIDATO CHA NNE chenye ufaulu wa angalau masomo MANNE (4) kwa kiwango cha kuanzia alama “D” bila kuhusisha masomo ya dini, Au awe na Cheti cha elimu ya kidato cha sita (Form IV) pamoja na Cheti cha VETA (NVA level III).

Sifa za Kujiunga Chuo cha Utumishi wa Umma 2025/2026 Ngazi ya Diploma

Mwombaji wa kozi za stashahada (Diploma) katika chuo cha utumishi wa Umma anatakiwa awe na Cheti cha awali (NTA level 4) kutoka Chuo chochote kinacho tambulika na NACTVET, Au Cheti cha kumaliza KIDATO CHA SITA (6) chenye PRINCIPAL PASS MOJA na SUBSIDIARY MOJA au zaidi.

Sifa za Kujiunga Ngazi ya Shahada ya Kwanza (Bachelor’s Degree)

Waombaji wa shahada wanapaswa kuwa na sifa zifuatazo:

Diploma ya kawaida (Ordinary Diploma – NTA Level 6) katika fani husika, yenye wastani wa alama (GPA) usiopungua 3.0, inayotambuliwa na NACTVET. AU Cheti cha Kidato cha Sita (Form VI) chenye ufaulu wa angalau Principal Pass mbili katika masomo ya msingi.

Sifa Maalumu kwa Kozi za Shahada

1. Bachelor’s Degree in Records, Archives and Information Management (BRAIM): Cheti cha Kidato cha Sita chenye Principal Pass mbili, AU Ordinary Diploma (NTA Level 6) katika Records and Archives Management au sifa sawia.
2. Bachelor’s Degree in Secretarial Studies and Administration (BSSA): Ordinary Diploma (NTA Level 6) yenye GPA ya 3.0, AU Sifa zinazolingana kama zinavyotambuliwa na mamlaka husika, AU Cheti cha Kidato cha Sita (Form VI) chenye Principal Pass mbili.

Kwa Taarifa zaidi Kuhusu Kujiunga na Chuo Cha Utumishi wa Umma tafadhali Tembelea www.tpsc.go.tz

Mapendekezo ya Mhariri:

1. Dirisha la Maombi ya Vyuo Vikuu 2025/2026 Lafunguliwa Rasmi – Tuma Maombi Kabla ya 10 Agosti
2. Sifa za Kujiunga na Chuo Cha Uhasibu TIA 2025/2026
3. Sifa za Kujiunga na Vyuo Mbalimbali Tanzania 2025/2026
4. Vigezo vya Kupata Mkopo Ngazi ya Diploma 2025/2026
5. Matokeo ya Kidato cha Sita 2025 NECTA ACSEE
6. Mwisho wa Kutuma Maombi ya Mkopo 2025/2026
7. Kozi za Diploma Zenye Mkopo 2025/2026
8. HESLB Yatangaza Kufunguliwa kwa Dirisha la Maombi ya Mikopo 2025/2026
9. Matokeo ya Kidato cha Sita 2025 (NECTA Form Six Results)