Mahitaji ya Kwenda Nayo Kambi JKT | Vitu vya Kwenda Navyo JKT Mujibu Wa Sheria | Vitu vya Kuripoti navyo JKT
Leo, tarehe 27 ya mwezi wa tano mwaka huu 2025, Jeshi la Kujenga Taifa (JKT) limetangaza rasmi majina ya wanafunzi waliohitimu kidato cha sita ambao wametakiwa kuripoti katika makambi mbalimbali kwa ajili ya kushiriki mafunzo ya JKT kwa Mujibu wa Sheria.
Maelfu ya wahitimu hao wametawanywa katika kambi zilizopo mikoa tofauti nchini Tanzania, ikiwa ni sehemu ya mpango wa kuwajengea uzalendo, nidhamu, na stadi za maisha zitakazowasaidia baadaye katika ujenzi wa taifa.
Kwa mujibu wa taarifa iliyotolewa na Kaimu Mkuu wa Tawi la Utawala JKT, Kanali Juma Mrai, vijana wanatakiwa kuripoti kati ya Mei 28 hadi Juni 8, 2025, katika makambi waliyoainishiwa. Kambi hizo ni pamoja na Rwamkoma (Mara), Msange (Tabora), Ruvu na Kibiti (Pwani), Mpwapwa na Makutopora (Dodoma), Mafinga (Iringa), Mlale (Ruvuma), Mpambo na Maramba (Tanga), Makuyuni na Orjolo (Arusha), Bulombora, Kanembwa na Mtabila (Kigoma), Itaka (Songwe), Luwa na Milundikwa (Rukwa), pamoja na Nachingwea (Lindi).
Kwa vijana wenye ulemavu wa mwili unaoonekana kwa macho, wanatakiwa kuripoti katika kambi ya Ruvu, Mlandizi mkoani Pwani, ambapo kuna miundombinu rafiki kwa watu wenye mahitaji maalum.
Ili kuhakikisha maandalizi mazuri ya kuanza mafunzo ya kijeshi, Jeshi la Kujenga Taifa limeeleza kwa kina vifaa ambavyo kila kijana anatakiwa kuwa navyo anaporipoti kambini. Hii ni orodha rasmi inayopaswa kuzingatiwa kwa umakini mkubwa:
1. Bukta ya Rangi ya ‘Dark Blue’
- Iwe na mpira kiunoni (lastic), mfuko mmoja wa nyuma, urefu wake uishie magotini, na isiwe na zipu.
2. T-shirt ya Rangi ya Kijani
- Hii ni sehemu ya mavazi ya kawaida ya mazoezi kambini.
3. Raba za Michezo
Zenye rangi ya kijani au bluu, kwa matumizi ya kila siku ya mazoezi.
4. Shuka Mbili za Kulalia
- Zenye rangi ya blue bahari, kwa ajili ya matumizi ya usiku kambini.
5. Soksi Ndefu za Rangi Nyeusi
- Hizi zitahitajika wakati wa kuvaa buti au viatu vya mazoezi.
6. Nguo za Kuzuia Baridi
- Kwa vijana waliopangiwa kambi katika mikoa yenye hali ya hewa ya baridi kama Iringa, Ruvuma, au Rukwa.
7. Track Suit ya Rangi ya Kijani au Blue
- Kwa matumizi ya mazoezi na shughuli mbalimbali za kijeshi.
8. Nyaraka Muhimu za Elimu
- Zikiwemo cheti cha kuzaliwa, vyeti vya kuhitimu kidato cha nne na sita, pamoja na nyaraka nyingine zote zinazohitajika katika udahili wa kujiunga na elimu ya juu.
9. Nauli
- Ya kwenda kambini na ya kurudi nyumbani baada ya kumaliza mafunzo.
Kauli ya Jeshi la Kujenga Taifa
Kanali Mrai amesisitiza kuwa vijana wote waliohitimu kidato cha sita mwaka huu wanakaribishwa na Mkuu wa Jeshi, Meja Jenerali Rajabu Mabele, kujiunga na mafunzo hayo. Mafunzo ya JKT hutoa nafasi ya kujenga uzalendo, mshikamano wa kitaifa, maadili ya kazi, na stadi muhimu za maisha.
Kwa upande mwingine, Waziri wa Ulinzi na Jeshi la Kujenga Taifa, Dkt. Stergomena Tax, aliwasilisha bungeni kuwa hadi mwaka 2025, JKT limeboresha miundombinu na lina uwezo wa kupokea hadi vijana 60,000, kutoka uwezo wa awali wa 40,000 mwaka 2021. Hii ni hatua kubwa inayolenga kutoa fursa kwa vijana wote waliomaliza kidato cha sita kushiriki kikamilifu katika ujenzi wa Taifa.
Bofya Hapa Kuangalia Majina ya Waliochaguliwa JKT 2025 Mujibu wa Sheria
Mapendekezo Ya Mhariri:
